Հայաստանի ԱԳՆ մամուլի քարտուղար Տիգրան Բալայանը հայտարարել է, որ Ադրբեջանի նախագահ Իլհամ Ալիեւի կողմից Հայաստանի նկատմամբ տարածքային պահանջների մասին հայտարարության վերաբերյալ միջազգային հանրության համապատասխան արձագանքի բացակայությունը խրախուսել է Ադրբեջանի պաշտպանության նախարար Զաքիր Հասանովին կրկին հանդես գալ ուժի կիրառման սպառնալիքով:
«Ադրբեջանի նախագահ Իլհամ Ալիեւի կողմից Հայաստանի նկատմամբ տարածքային պահանջների մասին հայտարարությունից հետո միջազգային հանրության համապատասխան արձագանքի բացակայությունը խրախուսել է Հասանովին կրկին հանդես գալ ուժի կիրառման սպառնալիքով»,- գրել է Տիգրան բալայանը Twitter-ի իր էջում:
Նշենք, որ Ադրբեջանի նախագահ Իլհամ Ալիեւը փետրվարի 9-ին «Ենի Ազրեբայջան» կուսակցության համագումարում հայտարարել էր, որ իրենք «վերադառնալու են» իրենց պատմական տարածքներ, այդ թվում Երեւան: Այս առնչությամբ, Մյունխենի անվտանգության համաժողովում ՀՀ նախագահ Սերժ Սարգսյանը հայտարարել էր հետեւյալը. «Նախագահ Ալիեւը ոչ ավել, ոչ պակաս տարածքային նկրտումներ է հայտարարում Հայաստանի մայրաքաղաք Երեւանի հանդեպ՝ անվանելով այն պատմական ադրբեջանական տարածք: Զառանցանք է, իհարկե, բայց Եվրոպայի լռության պայմաններում այդպիսի անհեթեթությունները կարող են ունենալ շատ լուրջ հետեւանքներ»:
Absence of adequate reaction of international community after #Azerbaijan's @presidentaz #IlhamAliyev voiced territorial claims towards #Armenia, encouraged @wwwmodgovaz Hasanov to reiterate the threat of use of force. pic.twitter.com/xHskl0lVW4
— Tigran Balayan (@tbalayan) 20 февраля 2018 г.