Միջազգային օլիմպիական կոմիտեի (ՄՕԿ) մարզիկների հանձնաժողովի ղեկավար Անժելա Ռուջիերոն հայտարարել է, որ մարզիկները պետք է ձեռնպահ մնան խաղերի փակման արարողության ժամանակ ռուս ատլետների դեմ հնարավոր բոյկոտներից: Այս մասին հաղորդում է «Գազետա»-ն՝ մեջբերելով Inside The Games-ը:
«Ես այսպիսի բողոքի կողմնակիցը չեմ ... Գոյություն ունի Օլիմպիական կանոնադրության 50-րդ գլուխը: Եթե դուք չմասնակցեք արարողությանը, ապա դա քաղաքական որոշում կլինի: Մենք փորձում ենք ապաքաղաքականացնել իրավիճակը: Թող մարզիկները մեզ ասեն, թե ինչ են ուզում, մենք փորձում ենք նրանց ձայնը լինել ՄՕԿ-ի ներսում» - ասել է Ռուջիերոն: Օլիմպիական կանոնադրության 50-րդ գլխում նշում է, որ խաղերը չի կարելի օգտագործել որպես բողոքների, ցույցերի կամ քաղաքական, կրոնական եւ ռասայական քարոզչության հարթակ: