News
Լրահոս
News
Չորեքշաբթի
Դեկտեմբեր 12
Տեսնել լրահոսը

Նախագահ Սերժ Սարգսյանն այսօր ընդունել է Վրաստանի փոխվարչապետ, ներքին գործերի նախարար Գիորգի Գախարիային:

Ողջունելով հյուրին՝ Հանրապետության Նախագահը շնորհավորել է նրան Վրաստանի փոխվարչապետի, ներքին գործերի նախարարի պաշտոնում նշանակվելու կապակցությամբ եւ նշել, որ ջերմությամբ է հիշում անցած տարվա ամռանը Գիորգի Գախարիայի հետ Երեւանում ունեցած հանդիպումը մեկ այլ՝ Վրաստանի էկոնոմիկայի եւ կայուն զարգացման նախարարի պաշտոնում, երբ քննարկման թեման հայ-վրացական առեւտրատնտեսական հարաբերություններն էին:

Նախագահ Սարգսյանը նաեւ առանձնակի ջերմությամբ է հիշել անցած տարեվերջին Վրաստան կատարած իր պաշտոնական այցը եւ հանդիպումները երկրի բարձրագույն ղեկավարության ու Համայն Վրաստանի Կաթողիկոս-Պատրիարքի հետ: Այս համատեքստում Հանրապետության Նախագահը երկկողմ հարաբերությունների ամրապնդման գործում մեծապես կարեւորել է հաճախակի փոխայցերը եւ հույս հայտնել, որ նախարար Գախարիայի այցը Հայաստան նոր խթան կհաղորդի Հայաստանի եւ Վրաստանի իրավապահ մարմինների միջեւ համագործակցության խորացմանը: Զրուցակիցները երկուստեք կարեւոր են համարել այդ ոլորտում փոխգործակցությունը եւ բարեկամ երկու երկրներում անվտանգության ու կայունության ապահովումը նաեւ տնտեսական, հումանիտար եւ այլ ոլորտներում առաջընթաց ու ձեռքբերումներ արձանագրելու տեսանկյունից:

Գիորգի Գախարիան Հանրապետության Նախագահին ներկայացրել է ՀՀ ոստիկանության պետի հետ ունեցած արդյունավետ հանդիպման ժամանակ համագործակցության խորացման ուղղությամբ ձեռքբերված պայմանավորվածությունները, որոնք, ըստ նրա, ներառում են նաեւ սահմանամերձ տարածաշրջանները, որտեղ նույնպես կան յուրահատուկ մարտահրավերներ: Նախարար Գախարիայի համոզմամբ, այդ մարտահրավերները միասնաբար ավելի հեշտ կլինի դիմագրավելը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Արմեն Սարգսյանը մեկնում է Վրաստան. Նա կմասնակցի նորընտիր նախագահի երդմնակալությանը
Վրաստանի Թելավի քաղաքում կմասնակցի Վրաստանի Հանրապետության նորընտիր նախագահ Սալոմե Զուրաբիշվիլի...
Վրաստանի նախագահը շնորհավորել է Հայաստանի վարչապետի պաշտոնակատարին
Արտահերթ խորհրդարանական ընտրությունների արդյունքները դրական կանդրադառնան Հայաստանի հետագա ժողովրդավարական զարգացման վրա…
Արմեն Սարգսյանը հեռախոսազրույց է ունեցել Վրաստանի նորընտիր նախագահ Սալոմե Զուրաբիշվիլիի հետ
Նախագահ Արմեն Սարգսյանը շնորհավորել է Սալոմե Զուրաբիշվիլիին նախագահի պաշտոնում ընտրվելու առթիվ եւ...
Մաղթում եմ, որ Ձեր պաշտոնավարումը նշանավորվի վերելքով. Նիկոլ Փաշինյանը շնորհավորել է Սալոմե Զուրաբիշվիլիին
Հավատացած եմ նաև, որ Հայաստանի և Վրաստանի՝ դարավոր բարիդրացիության և ընդհանուր արժեքների վրա խարսխված հարաբերությունները համատեղ ջանքերով կշարունակենք ամրապնդել...
Վրաստան-Հայաստան սահմանին բեռների ստուգման գործընթացը կարագացվի. դեսպանություն
Վրացական կողմի մաքսավորները Հայաստանի սահմանին ապրանքի մասին տվյալներ հավաքելիս դրանք կգաղտնագրեն թվային կոդով եւ այն կփոխանցեն...
Փորձագետ․ Վրաստանի ներկայիս իշխանություններն օգտվում են հայերի հանդուրժողական վերաբերմունքից
Նրա կարծիքով՝ նման դիրքորոշումը կապված է հասարակական կյանքում ազգային փոքրամասնությունների ինտեգրման միջոցով հարցը լուծելու իշխանությունների ձգտման հետ․․․
Ամենաշատ
Partner news