Համացանցում հայտնվել է «Աերոֆլոտ» ավիաընկերության՝ Մոսկվա-Բեյրութ չվերթն իրականացնող ինքնաթիռում տեղի ունեցած սկանդալի տեսանյութը, հաղորդում է «ՌԻԱ Նովոստի»-ն: Տեսահոլովակը YouTube-ում հրապարակել է միջադեպի ականատեսներից մեկը:
Կադրերում երեւում է, թե ինչպես է որպես «պատգամավորի կին» ներկայացող կինը սպառնում «հանել» ուղեւորուհիներից մեկի աչքերը: «Հիմա դու կհասնես Լիբանան, եւ ես քեզ ցույց կտամ»- շարունակում է նա:
Ինչպես նշում է տեսանյութի հեղինակը, կինը սկսել է սկանդալն այն բանից հետո, երբ դիմացը նստած ուղեւորուհին իջեցրել է իր նստարանը: «Ուղեկցորդուհիներին հաջողվել է արագ հարթել իրավիճակը: Այսպես էլ թռչում ենք»,- նշվում է տեսանյութի մեկնաբանության մեջ:
