Հայաստանի Ազգային ժողովում, այսօր՝ մարտի 2-ին, տեղի կունենա 4-րդ նախագահը քվեարկությունը: Մինչ այդ ԱԺ-ն շարունակում է քննարկել օրակարգում մնացած հարցերը:
Նախ, ԱԺ-ն առաջին ընթերցմամբ, 86 կողմ, 6 դեմ ձայներով ընդունեց «Նորմատիվ իրավական ակտերի մասին» օրենքի նախագիծը: Այնուհետեւ անցավ ՍԴ անդամի նշանակման հարցը, որն ընդհատվել էր երեկ:
Նշենք, որ ՀՀ նախագահի միակ թեկնածուն իշխող կոալիցիան է ներկայացրել՝ Արմեն Սարգսյանին: Առաջին անգամ է, որ երկրի նախագահն ընտրվում է Ազգային ժողովի կողմից:
Հիշեցնենք, որ վերջին օրերին ԱԺ-ում մի քանի ընտրություն է տեղի ունեցել. նախ ընտրվել են Բարձրագույն դատական խորհրդի 5 անդամները, ապա նաեւ ԱԺ պետաիրավական եւ մարդու իրավունքների պաշտպանության հանձնաժողովի նախագահ է ընտրվել Գեւորգ Կոստանյանը՝ այդ պաշտոնում փոխարինելով Հրայր Թովմասյանին: Իսկ նախօրեին էլ սկսվել է ՍԴ անդամի ընտրության հարցը. այդ պաշտոնի համար իշխանությունն առաջարկել է Հրայր Թովմասյանի թեկնածությունը:
Ընդհանուր առմամբ, ԱԺ այս քառօրյայում ընդգրկված է 18 հարց:
Հիշեցնենք, որ ԱԺ այս քառօրյայի օրակարգում կան բազմաթիվ օրինագծեր, որոնք պետք է ընդունվեն երկրորդ ընթերցմամբ: