Ռուսաստանը հույս ունի, որ Աֆրիկյան Միության եւ Եվրասիական տնտեսական միության հանձնաժողովների միջեւ երկխոսությունը կխորանա, Hommes d`Afrique ամսագրին տված հարցազրույցում նշել է Ռուսաստանի արտաքին գործերի նախարար Սերգեյ Լավրովը։
Նրա խոսքով՝ Ռուսաստանն ուշադիր հետեւում է աֆրիկյան երկրների եւ նրանց խոշոր արտասահմանյան գործընկերների միջեւ գագաթաժողով անցկացնելու պրակտիկային: Նախարարը հավելել է նաեւ, որ Ռուսաստանի եւ աֆրիկյան երկրների հարաբերություններն այսօր զարգանում են ինչպես երկկողմ հիմքով, այնպես էլ աֆրիկյան տարածաշրջանային կազմակերպությունների շրջանակներում՝ առաջին հերթին, Աֆրիկյան Միության եւ Հարավային Աֆրիկայի զարգացման ընկերության միջոցով։
«Աֆրիկյան երկրների ներկայացուցիչներն ակտիվորեն մասնակցում են Ռուսաստանում անցկացվող միջազգային համաժողովներին: Համագործակցության նոր ուղղություն է դարձել երկխոսությունն Աֆրիկյան Միության եւ Եվրասիական տնտեսական միության հանձնաժողովներիի միջեւ: Հույս ունենք, որ այն կխորանա»,-ասել է Լավրովը։