News
Լրահոս
News
Ուրբաթ
Դեկտեմբեր 14
Տեսնել լրահոսը

Սաուդյան Արաբիայի գահաժառանգ արքայազն Մուհամմեդ բեն Սալմանի Լոնդոն պաշտոնական այցի ընթացքում Մեծ Բրիտանիան եւ Սաուդյան Արաբիան պայմանավորվել են փոխադարձ առեւտրային եւ մոտ 65 մլրդ ֆունտ սթերլինգ գումարի ներդրումային համագործակցության մասին, նշված է Մեծ Բրիտանիայի վարչապետի գրասենյակի հաղորդագրության մեջ, փոխանցում է «ՌԻԱ Նովոստի»-ն:

Համաձայնագրով նախատեսվում են Մեծ Բրիտանիայում ուղղակի ներդրումներ եւ երկու կողմից պետական գնումներ:

«Ներդրումների եւ գնումների այս նոր հնարավորությունները վերաբերում են ոլորտների լայն սպեկտրի՝ ներառյալ կրթությունը, ուսուցումը եւ հմտությունները, ֆինանսական եւ ներդրումային ծառայությունները, մշակույթը, առողջապահության ծառայությունները, տեխնոլոգիաները եւ վերականգնվող էներգետիկան, ինչպես նաեւ պաշտպանության ոլորտը»,- նշված է հաղորդագրության մեջ:

Համաձայնագիրը նախատեսում է 2 երկրների համագործակցություն մի քանի տարիների ընթացքում:

!
Այս նյութը հասանելի է նաև   Русский
Տպել
Partner news