Kia ընկերությունը հրապարակել է հաջորդ սերնդի ֆլագմանային K900 սեդանի առաջին էսքիզները: Gravity of Prestige մոդելի դիզայնի կոնցեպցիան մշակվել է կորեական Նայանհե եւ ամերիկյան Իրվայնե ստուդիաների ջանքերով, փոխանցում է Motor-ը:
Մեքենայի առանձնահատկությունը ռադիատորի նոր ճաղավանդակն է՝ ադամանդի ձեւով 176 բջջից կազմված, որը խորհրդանշում է էներգիայի դուրսբերման գործընթացը: Ընկերության կարծիքով՝ K900-ի դիզայնում ավելի շատ պարզ եւ բնական գծեր են օգտագործվում, քանի որ դա ավելի ծանրակշիռ եւ շքեղ է դիտվում:
Ֆլագմանային սեդանի արտադրությունը կծավալվի Կորեայում գտնվող մակնիշի գործարանում: Համաշխարհային վաճառքի մեկնարկը նախատեսված է 2018 թվականի երկրորդ եռամսյակում:
Սպասվում է, որ սերնդափոխությունից հետո K900-ը կունենա լիահաղորդակավոր մոդիֆիկացիա՝ 3,3-լտրանոց «երկտուբինավեցյակով»: Kia Stinger-ի ֆասթբեքում դրա ՕԳԳ-ն կազմում է 370 ձիաուժ, իսկ պտույտի պահը՝ 510 Նմ:
