Մարտի 13-ին Ազգային ժողովում տեղի է ունեցել ԱՊՀ անդամ երկրների Միջխորհրդարանական վեհաժողովի Ագրարային քաղաքականության, բնական պաշարների եւ բնապահպանության մշտական հանձնաժողովի նիստը:
Նիստին մասնակցել են ՀՀԿ մամուլի քարտուղար, ԱԺ փոխխոսնակ Էդուարդ Շարմազանովը, «Ծառուկյան» դաշինք խմբակցության քարտուղար Վահե Էնֆիաջյանը, ՌԴ Դաշնային ժողովի Դաշնային խորհրդի Գիտության կրթության եւ մշակույթի կոմիտեի անդամ Ալեքսանդր Վայբերգը, Մոլդովայի խորհրդարանի Արտաքին քաղաքականության եւ եվրաինտեգրման հանձնաժողովի նախագահ Վիոլետա Իվանովան, Մոլդովայի խորհրդարանի նախագահի տեղակալ Վլադիմիր Վիտյուկը, Բելառուսի Ազգային ժողովի Խորհրդի Տարածաշրջանային քաղաքականության եւ տեղական ինքնակառավարման հարցերով մշտական հանձնաժողովի անդամ Օլեգ Յադրենցեւը եւ այլք:
Նիստի ժամանակ, մասնավորապես, քննարկվել են «Բնապահպանական վնասի գնահատման մասին», «Էկոլոգիական տուրիզմի մասին» մոդելային օրենքների նախագծերը, «Գյուղատնտեսական նշանակության կենդանիների նույնականացման, գրանցման եւ հետեւելու, կենդանական ծագմամբ սննդամթերքի նույնականացման եւ հետեւելու մասին» մոդելային օրենքի նախագիծը, Բնապահպանական անվտանգության ազգային կենտրոնների ստեղծման վերաբերյալ հրահանգների նախագիծը, Բնապահպանական քաղաքականության ձեւավորման հրահանգների նախագիծը եւ այլն:
