Mac-ում ծրագրավորման համար նախատեսված Calendar 2 հավելվածին ավելացվել է մայներ վիրուս, որը սարքի հզորությունն օգտագործում է Monero կրիպտոարժույթ ստանալու համար, հայտնում է Ars Technica-ն: Ուշագրավ է, որ մշակողը չի թաքցնում նորամուծությունը, իսկ օգտատերերը դրամ ստանալու համար կամավոր են տրամադրում համակարգիչների հզորությունը:
Հավելվածը բաժանորդագրությամբ արժե ամսական 1-ից մինչեւ 18 դոլար: Բայց օգտատերը կարող է այն տեղադրել նաեւ անվճար, այս դեպքում նա պետք է համաձայնվի մայնինգի համար իր սարքի հզորության օգտագործմանը: Ստացած դրամները փոխանցվում են արտադրողի՝ Qbix ընկերության հաշվեհամարին:
Ավելի ուշ մշակողը խոստովանել է, որ մայները վերջնամշակված չէ: Համացանցում հայտնվել են հավելվածց օգտատերերի բողոքներ: Դրա պատճառով սարքերը սկսում են գերտաքանալ կամ շատ դանդաղ աշխատել: Ի պատասխան արտադրողը խոստացել է մայները հեռացնել հաջորդ թարմացման ժամանակ:
Համացանցում կարծում են, որ Qbix-ի առաջարկած պայմանները կարող են մշակողների շրջանում թրենդ դառնալ:
Հիշեցնենք, որ ավելի վաղ ընկերությունը խոստացել էր մայնինգի համար օգտագործել սարքի հզորության 10-20 տոկոսը: Սակայն ինչ-որ բան այնպես չի ընթացել: