Մարտի 18-ին, ժամը 15.20-ին, ոստիկանության Երեւան քաղաքի վարչության ՊՊԾ գնդի ծառայողները մեկնել են Թբիլիսյան խճուղու թիվ 2/2 հասցեի մոտ, որտեղ նրանց է մոտեցել «Օպել Աստրա Ջի» մակնիշի ավտոմեքենայի վարորդ, 47-ամյա Արմեն Խ.-ն եւ մատնացույց անելով մի տղամարդու` հայտնել է, որ նա նույն օրը, ժամը 15.00-ին, Ավան վարչական շրջանում ներարկիչի սպառնալիքով իրենից պահանջել եւ ստացել է գումար:
Ոստիկանության մամուլի ծառայությունից NEWS.am-ին հայտնում են, որ ոստիկանության Քանաքեռ-Զեյթունի եւ Նոր Նորքի բաժինների եւ Երեւան քաղաքի վարչության ՊՊԾ գնդի ծառայողների համատեղ միջոցառումների շնորհիվ պարզվել է, որ նշված տղամարդը 32-ամյա Էդգար Վ.-ն է, որը ժամը 16.00-ին բերման է ենթարկվել Նոր Նորքի բաժին եւ ձերբակալվել:
Կատարվում է քննություն:
