ՀՀ ՔԿ նախագահ Աղվան Հովսեփյանն այսօր ընդունել է աշխատանքային այցով Հայաստանում գտնվող ՌԴ քննչական կոմիտեի նախագահի տեղակալ Ելենա Լեոնենկոյի գլխավորած պատվիրակությանը:
ՀՀՔննչական կոմիտեից NEWS.am-ին հայտնում են, որ հանդիպման ընթացքում կողմերը բարձր են գնահատել երկու երկրների քննչական կոմիտեների միջեւ վերջին տարիներին ձեւավորված համագործակցության մակարդակը, կարեւորել միջազգային իրավական օգնության շրջանակներում քննչական հանձնարարությունների կատարման արդյունավետությունը բարձրացնելու ուղղությամբ իրականացվող աշխատանքների արդյունքները։
ՀՀ ՔԿ նախագահ Աղվան Հովսեփյանն ընդգծել է առանձին հանցատեսակների դեմ պայքարի փորձի փոխանակման կարեւորությունը եւ այդ համատեքստում կարեւորել համատեղ գիտագործնական կոնֆերանսների, սեմինարների անցկացումը։
Տիկին Լեոնենկոն շնորհակալություն է հայտնել ջերմ ընդունելության համար ու փաստել ձեւավորված համագործակցության զարգացնելու անհրաժեշտությունը։
ՌԴ ՔԿ նախագահի տեղակալի գլխավորած պատվիրակությունը Հայաստան է ժամանել ՀՀ ՔԿ նախագահ Աղվան Հովսեփյանի հրավերով՝ մասնակցելու «Անչափահասների մասնակցությամբ հանցագործությունների քննությունը» թեմայով գիտագործնական միջազգային կոնֆերանսին: