Հայաստանը Թուրքմենստանից եւ Իրանից գազ ներկրելու մրցակցային առաջարկ չի ստացել: Այս մասին այսօր Աժ-ում լրագրողների հետ զրույցում ասել է Հայաստանի Էներգետիկ ենթակառուցվածնքերի եւ բնական պաշարների նախարար Աշոտ Մանուկյանը: Նա դժվարացել է ասել, թե որքան է հավանականությունը, որ թուրքմենական գազը կներկրվի Հայաստան։
«Չեմ կարող գնահատել հավանականությունը։ Մենք քննարկում ենք եւ Թուրքմենստանի, եւ Իրանի հետ գազի այլընտրանքային ներկրման հնարավորությունները։ Այս պահին մրցակցային առաջարկներ չունենք»:
Հարցին՝ ինչու ձեռնտու չէ թուրքմենական կամ իրանական գազի ներկրումը Հայաստան, նախարարն սել է, որ այդ հարցը քննարկումների փուլում է եւ չի կարող մանրամասներ ներկայացնել. «Դեռեւս մրցունակ առաջարկ չունենք, եւ շոշափելի արդյունքների մասին դեռ վաղ էասել»:
Նա պնդել է, որ գազի ներկրման համար որեւէ քաղաքական խոչընդոտ չկա: