Վրաստանում հետախուզման մեջ գտնվող եւ կեղծ անձնագրով Հայաստանի Հանրապետության պետական սահմանը կեղծ անձնագրով հատելու մեջ մեղադրվող Լեւան Մեքարանաշվիլին դատապարտվեց 9 ամսվա ազատազրկման: Նման դատավճիռ է կայացրել Մալաթիա-Սեբաստիա վարչական շրջանների ընդհանուր իրավասության դատարանը:
Մեղադրող Ա. Մանուկյանը, սակայն, Վերաքննիչ է դիմել՝ պահանջելով մասնակիորեն բեկանել եւ փոփոխել առաջին ատյանի կայացրած դատավճիռն ու վրացի տղամարդուն դատապարտել 1 տարի 9 ամսվա ազատազրկման:
Հիշեցնենք, որ ըստ մեղադրական եզրակացության՝ Լեւանը 2016թ.-ին Վրաստանից առանց պատշաճ թույլտվության ապօրինի հատել է ՀՀ պետական սահմանը և Ուկրաինա մեկնելու նպատակով Հայսատանում ձեռք է բերել իր նկարով, սակայն ուրիշի կենսորոշիչ տվյալներով կեղծ անձնագիր և 2017թ. սեպտեմբերին Հայաստանից մեկնել է Ուկրաինա: Հանցագործությունը բացահայտվել է Ուկրաինայի ԱԱԾ աշխատակիների կողմից և վերջինս վերադարձվել է Հայաստան:
