Մարտի 21-ին Ալավերդի քաղաքում 3-րդ հարկից ընկած 2-ամյա երեխայի վիճակը շարունակում է մնալ ծայրահեղ ծանր: Այս մասին NEWS.am-ին հայտնեցին «Սուրբ Աստվածամայր» ԲԿ-ի վերակենդանացման բաժանմունքից:
ԲԿ-ի վերակենդանացման բաժանմունքից հայտնեցին, որ երեխան իրենց մոտ է տեղափոխվել գլխուղեղի պոլիտրավմա ախտորոշմամբ:
Ավելի վաղ հաղորդել էինք, որ Shamshyan.com-ի փոխանցմամբ, մարտի 21
ժամը 19:20-ի սահմաններում «գանգի ոսկրերի կոտրվածք, գանգուղեղային վնասվածք, ծայրահեղ ծանր» ախտորոշմամբ Ալավերդու բժշկական կենտրոն է տեղափոխվել մի երեխա:
Ոստիկանները պարզել են, որ երեխան հիվանդանոց է տեղափոխվել Ալավերդի քաղաքի Ջրավազանի փողոցի 2-րդ շենքի բակից, որտեղ երեխան վայր է ընկել 3-րդ հարկի բաց պատուհանից:
2-ամյա Մարետա Խ.ն, գտնվում է վերակենդանացման բաժանմունքում: