Մարտի 24-ին Ծիծեռնակաբերդի հուշահամալիր այցելեց Անկախ պետությունների համագործակցության, եվրասիական ինտեգրացիայի եւ Ռուսաստանի Դաշնության Դաշնային ժողովի Պետական դումայի համահայրենակիցների հետ կապերի հարցերով կոմիտեի պատվիրակությունը:
Ծիծեռնակաբերդ այցելած պատվիրակությունը գլխավորեց Անկախ պետությունների համագործակցության, եվրասիական ինտեգրացիայի եւ Ռուսաստանի Դաշնության Դաշնային ժողովի Պետական դումայի համահայրենակիցների հետ կապերի հարցերով կոմիտեի նախագահի տեղակալ Վիկտոր Վոդոլազսկին:
Նրանց ուղեկցում էր ԱԺ արտաքին հարաբերությունների մշտական խորհրդարանական հանձնաժողովի նախագահ Արմեն Աշոտյանը, Հայաստանում Ռուսաստանի Դաշնության արտակարգ եւ լիազոր դեսպան Իվան Վոլինկինը եւ Հայոց ցեղասպանության թանգարան-ինստիտուտի տնօրեն Գեւորգ Վարդանյանը:
«Այս շենքից յուրաքանչյուչր հեռացող մարդ իր հետ տանում է այն անհրաժեշտ մասնակցության մասնիկը, որ աշխարհում բոլոր ժողովուրդներն ապրեն բարեկամության եւ համագործակցության մթնոլորտում: Որովհետեւ Հայոց ցեղասպանության զոհերը թույլ չեն տալիս մարդկանց այսօր հանգստանալ, քանի որ նրանք իրենց կյանքը տվել են իրենց արյունով, որպեսզի այսօր դա նորից չկրկնվի », - ասել է Վոդոլազսկին:
