Բանակը ոչ մի բանի կարիք չունի: Այս մասին, այսօր՝ ապրիլի 2-ին, «Եռաբլուր» զինվորական պանթեոնում լրագրողների հետ զրույցում նշեց ՀՀ Զինված ուժերի գլխավոր շտաբի պետ, գեներալ-գնդապետ Մովսես Հակոբյանը՝ անդրադռանալով բանակին տուֆ, լվացքի մեքենա, անիվներ նվիրելու նախաձեռնություններին, փաստերին, որոնք բուռն արձագանք էին գտել հասարակության շրջանում:
Հարցին, թե արդյոք բանակը նման օգնությունների կարիք ունի Մովսես Հակոբյանն արձագանքեց. «Ձեր հարցը ոչ կոռեկտ է, քեզ բավարարելու համար պատասխանեմ, որ բանակը որեւէ բանի կարիք չունի: Բանակն ամեն ինչով ապահովված է: Եթե քաղաքացին որոշել է որեւէ բանով օգնել բանակին, դա քաղաքացու կամքն է, ոչ թե բանակը կարիք ունի»:
Ինչ վերաբերում է Ադրբեջանի նախագահ Իլհամ Ալիեւի հայտարարությանը, թե վերադարձնելու են Երեւանն ու Զանգեզուրը, ԶՈՒ գլխավոր շտաբի պետն ասաց. «Ալիեւը կարող է ամեն ինչ ցանկանալ, բայց դե երբեք իրականություն չի դառնա»:
