Հայաստանի ԱԻ նախարարությունը հրապարակել է այսօր՝ ապրիլի 2-ին, ժամը 20:44-ին Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում պայթյունից տուժածների անունները։
Նախնական տվյալներով խոհանոցում պայթել է թթվածնի բալոն, կա 8 տուժած՝ Ռուդոլֆ Մարկոսյան (6 տարեկան), Ռուբինա Մարկոսյան (8 տարեկան), Զարուհի Մելիքյան (19 տարեկան), Էրիկ Աշուղյան (24 տարեկան, ԻԻՀ քաղաքացի), Ալյոնա Ագապովա (15 տարեկան, ՌԴ քաղաքացի), Լիզա Աբրահամովա (15 տարեկան, ՌԴ քաղաքացի), Յարոսլավ Լյուբենկո (15 տարեկան, ՌԴ քաղաքացի), Զեյնա Հուսեինի (24 տարեկան, ԻԻՀ քաղաքացի):
Ինչպես NEWS.am-ին հայտնել էին «Սուրբ Գրիգոր Լուսավորիչ» հիվանդանոցից, տուժածներից միայն մեկի՝ Ռուբինա Մարկոսյանի վիճակն է ծանր, մյուսների վիճակը բավարար է։
Նշենք, որ ապրիլի 2-ին, ժամը 20:44-ին ահազանգ է ստացվել, որ Երեւան քաղաքի Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում տեղի է ունեցել պայթյուն, կան տուժածներ. անհրաժեշտ է փրկարարների օգնությունը:
Նախնական տվյալներով խոհանոցում պայթել է լցնովի գարեջրի ճնշումն ապահովող բալոնը, կա 8 տուժած, (այդ թվում օտարերկրյա քաղաքացիներ) ովքեր տեղափոխվել են «Սուրբ Գրիգոր Լուսավորիչ» ԲԿ:
- «Նստած էինք, չհասկացանք, թե ինչ կատարվեց». պատմում է «Բուրգեր Քինգի» պայթյունից տուժածի քույրը
- «Բուրգեր Քինգ»-ում պայթյունից տուժել են ութ անձինք. Կան ՌԴ, Իրանի եւ Հայաստանի քաղաքացիներ. Նոր տվյալներ
- «Բուրգեր Քինգ»-ում քննություն է ընթանում. Պայթել է լցնովի գարեջրի ճնշումն ապահովող բալոնը (ֆոտո)
- «Բուրգեր Քինգում» տեղի ունեցած պայթյունից, նախնական տվյալներով, 9 քաղաքացի է տուժել
- Պայթյուն Հյուսիսային պողոտայի «Բուրգեր Քինգում». կան տուժածներ