Մոսկվան ներողության չի սպասում Լոնդոնից՝ կապված նախկին ռուս լրտես Սերգեյ Սկրիպալին եւ նրա դստերը Սոլսբերիում թունավորելու մեղադրանքի հետ: Այս մասին հայտարարել է Ռուսաստանի նախագահ Վլադիմիր Պուտինը:
«Մենք ոչինչ չենք սպասում: Սպասում ենք միայն, որ առողջ դատողությունը ի վերջո կհաղթանակի եւ միջազգային հարաբերություններին նման վնաս չի հասցվի, որը մենք տեսնում ենք վերջին ժամանակներս: Դա վերաբերում է ոչ միայն Սկրիպալների մահափորձին, այլեւ միջազգային հարաբերությունների բոլոր մյուս ասպեկտներին»,-հայտարարել է Պուտինը, հաղորդում է ՏԱՍՍՍ-ը: