Ցանցի օգտատերերը ուշադրություն են դարձրել պոռնոգովազդին, որն ինքնաբերաբար միանում է YouTube-ի տեսանյութերում, հաղորդում է Motherboard-ը:

Ականատեսների խոսքով՝ գովազդը հայտնվել է հայտնի բլոգերների, այդ թվում՝ Pewdiepie, Markiplier եւ Dude Perfect-ի հոլովակներից առաջ:

Լրագրողները նշում են, որ օգտատերերը սկսել են բողոքել նման հղումներից դեռ 2017-ի վերջին, սակայն ապրիլին բացասական մեկնաբանությունների քանակը կտրուկ աճեց:

Google AdWords-ի գովազդային քաղաքականությունն արգելում է YouTube-ի գովազդներում նման բովանդակությունը:

«Երբ մենք տեսնում ենք, որ գովազդը խախտում է մեր կանոնները, մենք անմիջապես հեռացնում ենք այն եւ համապատասխան միջոցներ ենք ձեռնարկում, ներառյալ, դրա համար պատասխանատու էջը արգելափակելը», - YouTube-ի ներկայացուցիչները մեկնաբանել են պոռնոգրաֆիայի հետ կապված խնդիրը: