Գվատեմալայի դատախազները կրկին մեղադրել են երկրի նախագահ Ջիմի Մորալեսին կոռուպցիայի մեջ՝ կապված Ազգային կոնվերգենցիայի կուսակցության գլխավոր քարտուղարի կողմից ենթադրյալ անօրինական ֆինանսավորման հետ, հայտնում է AP-ն։
Դատախազ Օսկար Շաադը հայտարարել է, որ գործարարները Մորալեսի կուսակցությանն են փոխանցել 1 միլիոն դոլար, իսկ այդ միջոցների մասին ընտրական մարմիններին չեն հայտնել։
Անցած տարվա օգոստոսին Գվատեմալայի գլխավոր դատախազը դատարանին խնդրել է Մորալեսին զրկել անձեռնմխելիությունից՝ նրա ընտրական քարոզարշավի անօրինական ֆինանսավորման հետաքննության լույսի ներքո։