Գերմանիայում դատարանը բռնություն կանխելու հույսով արգելել է ալկոհոլի օգտագործումը առաջիկա նեոնացիստական փառատոնում, հաղորդում է AP-ն:
Ակնկալվում է, որ փառատոնը, որը կիրականացվի այս շաբաթավերջին Արեւելյան Գերմանիայում կներգրավի Գերմանիայից, հարեւան Չեխիայից եւ Լեհաստանից մինչեւ 1000 արմատական ծայրահեղականների:
Իշխանությունները չեն կարողացել արգելել Օստրից քաղաքի համերգը, քանի որ այն կայանալու է մասնավոր սեփականության տարածքում:
Դրեզդենում տարածաշրջանային դատարանը մերժել է ալկոհոլի արգելքը հանելու պահանջով միջոցառման մասնակիցների բողոքարկումը:
Դատարանում համարել են, որ ալոհոլային խմիչքները կարող են մասնակիցներին ավելի ագրեսիվ դարձնել:
