«Իմ քայլը» նախաձեռնության եւ «Քաղաքացիական պայմանագիր» կուսակցության առաջնորդ Նիկոլ Փաշինյանը, ՀՀ վարչապետ Սերժ Սարգսյանի հետ հանդիպումից հետո երթով շարժվում է Տիգրան Մեծ պողոտայով դեպի Էրեբունի համայնք:
Նշենք, որ քիչ առաջ ավարտվել է Սերժ Սարգսյան-Նիկոլ Փաշինյան հանդիպումը, որն արդյունք չի տվել: Սերժ Սարգսյանը հայտարարել է, որ հրաժարականի պահանջն ուլտիմատում է պետությանը, շանտաժ օրինական իշխանություններին եւ հեռացել դահլիճից: Նիկոլ Փաշինյանն էլ հայտարարեց, որ իրենք շարունակելու են ճնշումներ բանեցնել իշխանության նկատմամբ, մինչեւ հասնեն Սերժ Սարգսյանի հրաժարականին:
Ավելի վաղ NEWS.am-ը հայտնել էր, որ երեկ՝ ապրիլի 21-ին Նիկոլ Փաշինյանը Facebook-ի իր էջում հրապարակծ տեսաուղերձում հայտարարել էր, որ այսօր առավոտյան ժամը 10:00-ին հանդիպելու է վարչապետ Սերժ Սարգսյանին, որտեղ քննարկելու է «վերջինիս հրաժարականի եւ իշխանության անցնցում փոխանցման պայմանները»: