Արցախի փողոցում սաղավարտներով ու վահաններով ոստիկանների շղթան բացվեց. նրանք հեռացան, իսկ փողոցում մնացին ոստիկանների փոքր խմբեր: (ֆոտոռեպորտաժ):
Ցուցարարների հիմնական մասը Արցախի փողոցից շարժվում է դեպի Հանրապետության հրապարակ: Նրանք կոչ են անում բոլորին միանալ իրենց պայքարին:
Նշենք, որ ցուցարարները բաժանվել են մի քանի խմբի. մի մեծ խումբը շարժվում է դեպի Էրեբունի թանգարան, մեկ այլ մեծ խումբ երթով շարժվում է Արշակունյաց փողոցով, իսկ մի խումբ էլ Տիգրան Մեծի պողոտայով ուղղություն է վերցրել դեպի Հանրապետության հրապարակ:
Հիշեցնենք, որ այսօր՝ ապրիլի 22-ին, Արցախի փողոցում բախում տեղի ունեցավ ցուցարարների ու ոստիկանների միջեւ: Ոստիկանությունը հատուկ միջոցներ, մասնավորապես, ծխանռնակներ կիրառեց եւ տարավ «Ելք» խմբակցության պատգամավորներ Նիկոլ Փաշինյանին, Սասուն Միքայելյանին եւ Արարատ Միրզոյանին:
Ուժայինները բռնի ուժով բազմաթիվ ցուցարարների են բերման ենթարկել: