Թուրքիայի հարավ–արեւելքում՝ Ադիյաման նահանգում լույս երեքշաբթի գիշերը գրանցվել է 5.1 մագնիտուդով երկրաշարժ։ Այս մասին հայտնել են երկրի կառավարությանը կից Արտակարգ իրավիճակների վարչությունից, փոխանցում է ՏԱՍՍ–ը։
Ստորգետնյա ցնցումների էպիկենտրոնը գտնվել է Սամսատ քաղաքից 4 կիլոմետր հյուսիս–արեւելք։ Երկրաշարժի օջախը գտնվել է 7 կիլոմետր խորության վրա։
Սեյսմոլոգները հիմնական ցնցումից հետո արձանագրել են եւս 8 ցնցում 1.4-ից 2.7 մագնիտուդով։
Երկրաշարժի հետեւանքով մի քանի շենքեր են վնասվել։ Տուժածների մասին տեղեկություններ չկան։
