«Ազատամարտիկների դաշինքը» երկրում ստեղծված իրավիճակի վերաբերյալ տարածել է հայտարարություն, որտեղ կոչ է արել չգնալ բախումների ճանապարհով:
Հայտարարությունում ասվում է.
«Իշխանությունների վերջին օրվա վարքագիծը մեզ մոտ լուրջ մտավախություն է առաջացրել, որ փորձ է արվում համաժողովրդական շարժման հաղթանակը բռնի ուժային միջոցներով ի չիք դարձնելու եւ Սերժ Սարգսյանի հրաժարականն օգտագործելու Հանրապետական կուսակցության քրեաօլիգարխիկ իշխանությունը պահպանելու համար: Ուստի Ազատամարտիկների դաշինքը կոչ է անում ԲՈԼՈՐ ԱԶԱՏԱՄԱՐՏԻԿՆԵՐԻՆ Մեկ մարդու պես ինչպես միշտ, այնպես էլ այս ճակատագրական պահին կանգնել ժողովրդի կողքին
ԻՇԽԱՆՈՒԹՅՈՒՆՆԵՐԻՆ
Չգնալ արկածախնդրության եւ գործընթացները չտանել բախումների եւ ուժային հանգուցալուծման: Հակառակ պարագայում զարգացումների ողջ պատասխանատվությունը մնալու է գործող իշխանության եւ Հանրապետական կուսակցության վրա»,- նշված է հայտարարության մեջ»:
