ԽՍՀՄ ժողովրդական արտիստ Արմեն Ջիգարխանյանը Մոսկվայի հիվանդանոցներից մեկում պրոֆիլակտիկ հետազոտություն է անցնում: Այս մասին պատմել է դերասանի ընկեր Արթուր Սողոմոնյանը, հաղորդում է «ՌԻԱ Նովոստին»:
Նրա խոսքով՝ դերասանի հետ ոչ մի վատ բան չի պատահել, բայց նա իրեն այնքան էլ լավ չի զգում:
«Արմեն Բորիսովիչը իրեն այնքան էլ լավ չի զգում, բայց ոչ մի վատ բան չի եղել, նա պարզապես հետազոտվում է հիվանդանոցում», — ասել է Սողոմոնյանը:
Մինչ այդ ՏԱՍՍ-ը հաղորդել էր, որ Ջիգարխանյանը սրտամկանի կաթվածով հիվանդանոց է տեղափոխվել:
«Նա կոմայում է գտնվում եւ արհեստական շնչառության սարքին է միացված»,-ասել էր գործակալության զրուցակիցը:
ՌԲԿ-ն, վկայակոչելով արտիստի պաշտոնական ներկայացուցիչ Էլինա Մազուրին հաղորդում է, որ Ջիգարխանյանը կոմայից հետո գիտակցության է եկել: Մազուրը նշել է, որ 82-ամյա դերասանը մոտ մեկ ժամ կոմայում է եղել: Նախնական տվյալներով՝ Ջիգարխանյանը հոսպիտալացվել է թոքերի հետ կապված խնդիրների պատճառով:
«Շտապ հոսպիտալացումը եւ այսօրվա նրա վիճակը թոքերի բորբոքման հետեւանք է, որը նա մինչեւ վերջ չէր բուժել հունվարին», — ասել է նա, հաղորդում է Lenta-ն:
