ՄԱԿ-ն պատրաստ է քննարկել որպես դիտորդ Հյուսիսային Կորեայում միջուկային վարժարանի փակման գործընթացին իր մասնակցության հնարավորությունը: Համաշխարհային կազմակերպությունը կարող է օգնություն ցույց տալ Հյուսիսային եւ Հարավային Կորեաների սահմանի ապամիջուկայնացված գոտու փոխակերպմանը, երեքշաբթի հայտնել էին ՄԱԿ գլխավոր քարտուղար Անտոնիու Գուտերեշի գրասենյակից, որը հեռախոսազրույց էր ունեցել Հարավային Կորեայի նախագահ Մուն Չժե Ինի հետ, փոխանցում է ՏԱՍՍ-ը:
Հարավակորեացի առաջնորդը զրույցի ընթացքում ՄԱԿ-ից օգնություն էր խնդրել Հյուսիսային Կորեայի միջուկային փորձարկումների վարժարանի առաջիկա փակման ստուգման գործում, ինչպես նաեւ նպաստել Հյուսիսային եւ Հարավային Կորեաների միջեւ ապամիջուկայնացման գոտին խաղաղության գոտու փոխակերպելու մասին համաձայնագրի իրականացմանը, նշված է հաղորդագրության մեջ:
«Գլխավոր քարտուղարը հաստատել է, որ ՄԱԿ-ն լիովին աջակցում է միջկորեական երկխոսության շարունակմանը, եւ այս կապակցությամբ խոստացել է, որ ՄԱԿ-ն պատրաստ է քննարկել սատարման հնարավոր միջոցների քննարկմանը»,- նշել են ՄԱԿ գլխավոր քարտուղարի գրասենյակից:
Հեռախոսազրույցը կայացել է ապրիլի 30-ին:
Ավելի վաղ Հարավային Կորեայի նախագահի մամուլի ծառայությունից հայտնել էին, որ նա ՄԱԿ-ին խնդրել է հետեւել Հյուսիսային Կորեայի առաջնորդ Կիմ Չեն Ըն հետ Կորեական թերակղզում ապամիջուկայնացման եւ խաղաղության հաստատման համաձայնության կատարմանը:
Կիրակի Հարավային Կորեայի նախագահի մամուլի քարտուղար Յուն Յոն Չանը հայտարարել էր, որ Հյուսիսային Կորեայի իշխանությունները Փհունգերիի միջուկային վարժարանը վերջնականապես կփակեն մայիսին, իսկ այն ապամոնտաժելու գործընթացը հրապարակային կլինի: Նրա խոսքով՝ երկու երկրների առաջնորդների միջեւ այսպիսի համաձայնություն է ձեռք բերվել ապրիլի 27-ին տեղի ունեցած գագաթնաժողովի ժամանակ: Կիմ Չեն Ընը խոստացել է հրավիրել լրագրողների եւ անվտանգության ոլորտի փորձագետների, որոնք կհետեւեն այդ գործընթացին: