ԽՍՀՄ ժողովրդական արտիստ Արմեն Ջիգարխանյանը, որը ծանր վիճակով տեղափոխվել էր հիվանդանոց, տուն է վերադարձել։ Դերասանը հանգստանում է իր նախկին կնոջ՝ Տատյանա Վլասովայի բնակարանում, հայտնում է Дни.ру–ն։
Արմեն Ջիգարխանյանի ղեկավարության ներքո գործող Մոսկվայի դրամատիկական թատրոնի հասարակայնության եւ ԶԼՄ-ների հետ կապերի գծով ներկայացուցիչ Վյաչեսլավ Դյաչենկոն հայտնել է, որ Արմեն Ջիգարխանյանը վերադարձել է թատրոնի փորձերին։ «Նա արդեն թատրոնում է եղել, նախանցյալ օրն է եկել։ Այսօր ես նրան սպասում եմ, բայց չգիտեմ՝ այսօր կգա արդյոք։ Նա թատրոնում էր եւ ամեն ինչ կարգին էր»,–ասել է նա։ Խոսելով դերասանի առողջության մասին՝ նա նշել է, որ անհնագստանալու պատճառ չկա։
Հիշեցնենք, որ հինգշաբթի դերասանը ինֆարկտով անհապաղ հոսպիտալացվել էր մայրաքաղաքային հիվանդանոցներից մեկում, որտեղ գտնվել է կոմայի մեջ։ Սա 2018 թվականից ի վեր դերասանի երրորդ հոսպիտալացումն էր։
Սակայն դերասանի մտերիմները հայտնել են, որ Ջիգարխանյանը իսկապես թույլ է եւ բժիշկների հսկողության կարիք ունի, սակայն նրա կյանքի համար անհանգստանալ պետք չէ։
Դերասանի նախկին սիրեցյալ Վիտալինա Ցիմբալյուկ Ռոմանովսկայան ակտիվորեն մասնակցում է տարբեր հաղորդումների ու նորանոր հայտարարություններ է անում դերասանի հետ համատեղ կյանքի մասին։ Այս ամենը մեծապես ազդում է 82–ամյա դերասանի առողջության վրա։
