Ոստիկանության աշխատակիցների գործողությունները Բաղրամյան պողոտայում ապրիլի 17-ին ցույցը ցրելիս հատուկ միջոցներ կիրառելու առումով արդարացված էին։ Բայց ամեն ինչ այդպես չպետք է արվեր։ Այս մասին մայիսի 5-ին՝ լրագրողների հետ հանդիպման ժամանակ հայտնել է փաստաբան Տիգրան Աթանեսյանը։
Հատուկ միջոցները, նրա խոսքով, պետք է կիրառվեին որոշակի նորմերի ու չափանիշներին համապատասխան․ «Նետել ձայնային նռնակը մարդկանց խիտ զանգվածի ուղղությամբ անթույլատրելի է։ Որքան էլ դրանք անվտանգ լինեն, եթե գտնվում են մեկ կամ երկու մետր հեռավորության վրա, կարող են նաեւ վնաս պատճառել մարդկանց, որը եւ տեղի ունեցավ»,-պարզաբանել է Աթանեսյանը։
Փաստաբանը կասկած է հայտնել, որ ոստիկանության աշխատակիցներն հրաման էր տրվել կանխամտածված վնաս պատճառել ցուցարարներին։ Նա ոստիկանների գործողությունները կապում է մասնագիտական պատրաստության ցածր մակարդակի կամ էլ ծառայողական պարտականությունները կատարելիս որոշ աշխատակիցների սովորական անփութության հետ։
