Բաղդադն ափսոսանք է հայտնել Իրանի միջուկային ծրագրից ԱՄՆ-ի դուրս գալու՝ Դոնալդ Թրամփի որոշման կապակցությամբ եւ Վաշինգտոնին կոչ է արել չվարկաբերել Թեհրանի հետ բազմակողմ համաձայնագիրը, գրում է ՏԱՍՍ-ը: As Sumaria հեռուստաալիքի փոխանցմամբ՝ այս մասին ասված է չորեքշաբթի տարածված Իրաքի նախագահ Ֆուադ Մաասումի հատուկ հայտարարությունում:
Իրաքցի առաջնորդը «գնահատել է Իրանի հետ համաձայնագիրը կնքած մյուս պետությունների՝ ձեռք բերված համաձայնության իրականացումը շարունակելու հանձնառությունը»: Մաասումը Վաշինգտոնին կոչ է արել «չվարկաբեկել համաձայնագիրը եւ մյուս կողմերին չխոչընդոտել լիարժեք հետեւել Թեհրանի հետ ձեռք բերված համաձայնություններին»:
Բացի այդ՝ Իրաքի նախագահը մտահոգություն է հայտնել, որ «Իրանի հետ կնքված պատմական համաձայնագրից ԱՄՆ-ի միակողմանի ելքը չի նպաստի անվտանգության եւ կայունության ապահովմանը ինչպես տարածաշրջանում, այնպես էլ ամբողջ աշխարհում»: