Թուրքիայի երկու նահանգներում ոստիկանության կողմից իրականացված գործողությունների ժամանակ ձերբակալվել են մարմնավաճառությամբ զբաղվող տարբեր երկրների քաղաքացիների։
Թուրքական Hurriyet-ի փոխանցմամբ՝ Այդն նահանգի Դիդիմի շրջանում ոստիկանությունը մարմնավաճառության դեմ պայքարի շրջանակներում իրականցրած գործողության ժամանակ «գործի վրա» ձերբակալել են Թուրքիայի քաղաքացիություն չունեցող կանանց։ Պարզվել է ձերբակալվածներից մեկը Հայաստանի քաղաքացի է։
Միեւնույն ժամանակ Թեքիրդաղի Սարայի շրջանում եւս գործողություններ են տեղի ունեցել մարմանավաճառության դեմ պայքարի շրջանակներում։ Այնտեղ էլ ձերբակալվել են մարմնավաճառության մեջ մեղադրվող 9 կին, որոնցից մեկը եղել է Հայաստանի քաղաքացի։
Նշվում է, որ ձերբակալված մարմնավաճառները համապատասխան ընթացակարգերից հետո կարտաքսվեն Թուրքիայից։