Իսպանիայի եւս մեկ տարածաշրջան` Վալենսիան սահմանափակում է զբոսաշրջիկների համար բնակարանների առցանց վարձակալությունը, հաղորդում է «ՌԻԱ Նովոստին»:
Տարածաշրջանային կառավարությունը համաձայնել է նոր օրենքի փոփոխություններին, որոնք արգելում են զբոսաշրջիկների համար բոլոր բնակարանների վարձակալությունը, բացառությամբ բնակելի շենքերի առաջին եւ երկրորդ հարկերի բնակարանների:
Վալենսիան միացել է իսպանական քաղաքների եւ տարածաշրջանների աճող ցանկին, որոնք բնակարանների զբոսաշրջային վարձակալության սահմանափակումներ են սահմանում բնակիչների բազմաթիվ բողոքների պատճառով: Բնակիչները բողոքում են, որ իրենց հարեւանները զբոսաշրջիկներին վարձով են տալիս իրենց բնակարանները, ինչպես նաեւ, որ զբոսաշրջիկները «ավերում են քաղաքային միջավայրը»:
