Երեւանի ընդհանուր իրավասության դատարանի Շենգավիթի նստավայրում դատավոր Արշակ Վարդանյանի նախագահությամբ այսօր՝ մայիսի 11-ին մեկնարկեց «Սասնա ծռերի» 11 անդամի գործով դատավարությունը:
Գործից անջատված այս մասը նախկինում նախագահում էր դատավոր Արթուր Օհանյանը, որն ամիսներ առաջ նախագահի հրամանագրով ազատվել է պաշտոնից:
Ամբաստանյալների հարազատներն ու աջակիցները դատարան են եկել պաստառներով, նրանք պահանջում են ազատ արձակել «Սասնա ծռեր»-ին: Դատարանի դահլիճում նստելու տեղ չկա, իսկ շենքի մոտ հավաքված բազմաթիվ մարդիկ ցանկանում են մասնակցել դատական նիստին:
Նախագահող դատավոր Արշակ Վարդանյանն այժմ ճշտում է ամբաստանյալների ինքնությունը. «Սասնա ծռերը» հրաժարվում են ոտքի կանգնել: Դահլիճում լարված իրավիճակ է, ամբաստանյալների հարազատները պարբերաբար կոչեր են հնչեցնում: