ԱՄՆ-ի կողմից Երուսաղեմը որպես Իսրայելի մայրաքաղաք ճանաչելն ու ամերիկյան դեսպանատունն այնտեղ տեղափոխելը միայն խորացնում է պաղեստինա-իսրայելական կարգավորման գործընթացը: Այս մասին ուրբաթ օրը ՄԱԿ-ի՝ մերձարեւելյան խաղաղության գործընթացի հարցով հատուկ համակարգող Նիկոլայ Մլադենովի հետ հանդիպման ժամանակ հայտարարել է Ռուսաստանի արտգործնախարար Սերգեյ Լավրովը, փոխանցում է «ՏԱՍՍ»-ը:
«Մենք չափազանց մտահոգված ենք պաղեստինա-իսրայելական հակամարտության կարգավորմամբ, դա փակուղի է, ընդ որում, փակուղին ավելի ու ավելի է խորանում, հատկապես` ԱՄՆ-ի՝ Երուսաղեմի հետ կապված որոշումների լույսի ներքո: Բոլոր երկրները խորը մտահոգություն են հայտնում այս չափազանց պայթյունավտանգ ներուժի կուտակման կապակցությամբ, որը կարող է պայթել ցանկացած պահի եւ որն արդեն մարդկային զոհերի է հանգեցնում», - ասել է Լավրովը:
