Մոսկվան բացասաբար է գնահատում Վաշինգտոնի՝ Երուսաղեմում ԱՄՆ դեսպանատուն բացելու որոշումը: Այս մասին հայտարարել է Ռուսաստանի արտգործնախարար Սերգեյ Լավրովը, փոխանցում է «ՌԻԱ Նովոստի»-ն:
«Ինչ վերաբերում է Երուսաղեմում ԱՄՆ դեսպանատան բացմանը, ապա մենք բազմիցս հրապարակայնորեն հնչեցրել ենք մեր բացասական գնահատականը այս որոշման կապակցությամբ»,- Եգիպտոսի արտաքին գործերի նախարարի հետ բանակցությունների արդյունքների վերաբերյալ մամուլի ասուլիսի ժամանակ ասել է Լավրովը:
Ռուսաստանի Դաշնության արտաքին գործերի նախարարի պաշտոնակատարը հավելել է, որ «այդ մասին խոսել է նաեւ ՌԴ նախագահ Վլադիմիր Պուտինը»: