Էներգետիկ հարցերով եվրահանձնակատար Միգել Արիաս Կանյետեն մայիսի 19-ից 20-ը կայցելի Թեհրան՝ «Իրանի եւ ԵՄ-ի միջեւ էներգետիկ համագործակցությունը քննարկելու համար»: Այս մասին Բրյուսելում կայացած ճեպազրույցի ժամանակ հայտարարել է ԵՄ արտաքին քաղաքականության ծառայության ներկայացուցիչ Մայա Կոսյանչիչը, փոխանցում է «ՏԱՍՍ»-ը:
«Էներգետիկ հարցերով եվրահանձնակատար Միգել Արիաս Կանյետեն մայիսի 19-ից 20-ը կայցելի Թեհրան՝ Իրանի եւ ԵՄ-ի էներգետիկ համագործակցությունը քննարկելու համար: Ծրագիրը դեռեւս համաձայնեցման վերջնական փուլում է, ուստի այլ մանրամասներ դեռ չկան: Այս այցը վաղուց էր նախապատրաստվում: Այն շատ կարեւոր է, որպեսզի հաստատվի, որ մենք անում ենք ամեն ինչ՝ Միջուկային ոլորտում գործողությունների համատեղ համապարփակ ծրագրի պահպանման համար, քանի դեռ Իրանն իր հերթին հետեւում է ստանձնած պարտավորություններին»,- ասել է Կոսյանչիչը: