Հայաստանի վարչապետ Նիկոլ Փաշինյանը հայտարարում է արտաքին քաղաքականության հաջորդականության մասին, սակայն առաջնահերթությունները կարող են փոխվել: Այս մասին մայիսի 16-ին լրագրողների հետ հանդիպման ժամանակ հայտարարեց վերլուծաբան Արա Պապյանը:
Իշխանությունների հավաստիացումների համատեքստում Պապյանը նշեց, որ անցյալում, այլ ղեկավարության ժամանակ ժողովուրդը բազմիցս ականատեսն է եղել այն հայտարարություններին, որոնք հակասել են գործողություններին: «Նիկոլ Փաշինյանը հիմա ասում է, որ Հայաստանը դուրս չի գա ԵՏՄ-ից: Դա չի նշանակում, որ մի քանի տարի անց հարցը նորից չի բարձրացվի», - նկատեց Պապյանը: Նրա խոսքով՝ հիմա կարեւոր է, որ արտահերթ ընտրություններն ազատ անցնեն, իսկ ժողովուրդը նախ ծանոթանա կառավարության ծրագրի հետ:
«Երբ ասում են, որ ժողովուրդը ԵՏՄ-ի կողմնակիցն է, փաստեր չեն բերում: Նույն կերպ փաստեր չունեն նրանք, ովքեր ասում են, որ մարդիկ կողմ են ԵՏՄ-ից դուրս գալուն: Ժողովուրդը պետք է որոշի, իսկ վարչապետը ենթարկվի ժողովրդի պահանջին: Իշխանությունը պատկանում է ժողովրդին», - ընդգծեց Պապյանը: «ՀԱՊԿ-ից դուրս գալու մասին ընդհանրապես խոսք չի գնում: Դա անվտանգության համակարգ է: Հարցը վերաբերում է ԵՏՄ-ի անդամակցությանը», - պարզաբանեց նա:
Միեւնույն ժամանակ նա նշեց, որ Ռուսաստանը Հայաստանի հանդեպ նույն վերաբերմունքը ցույց չի տալիս, ինչ Հայաստանը նրա նկատմամբ: Մասնավորապես, եղել են դեպքեր, երբ Ռուսաստանը միջազգային կազմակերպություններում քվերակել է Հայաստանի շահերի դեմ, նաեւ հավասարություն է դնում Հայաստանւի եւ Ադրբեջանի հարաբերությունների միջեւ: Կոնկրետ օրինակներ Պապյանը սակայն չբերեց:
Խոսելով Նիկոլ Փաշինյանի համբավի մասին՝ Արա Պապյանն ասաց, որ վերջին ասում Հայաստանում 2 վարչապետ է եղել: Սերժ Սարգսյանին շնորհավորել էր ընդամենը մի քանի երկիր: Իսկ Նիկոլ Փաշինյանին շնորհավորել են ՄԱԿ-ի ԱԽ երկրները եւ անգամ Թրամփը: Փաշինյանը ժողովրդի կողմից ընդունված է, ինչպես նաեւ բարձր լեգիտիմություն ունի: Պապյանը հիշեցրեց, որ Եվրոպան եւ ԱՄՆ-ն հայտնել են Հայաստանի նոր ղեկավարության հետ համագործակցելու պատրաստակամության մասին:
