Կուբայում Boeing-737-ի ինքնաթիռի վթարի ականատեսները հաղորդել են ողջ մացածների մասին, որոնց շտապօգնության մեքենաներով տեղափոխել են, հաղորդում է «ՌԻԱ Նովոստին»՝ վկայակոչելով Associated Press գործակալությանը:
Cubadebate պորտալի տվյալներով՝ Boeing 737-200-ը Cubana de Aviación ընկերությունը վարձակալել էր Մեքսիկայի Damojh ավիաընկերությունից: Ինքնաթիռը կատարում էր DMJ 0972 Հավանա-Օլգին չվերթը (կղզու արեւելք):
Թռիչքից հետո օդանավն ընկել է Խոսե Մարտի օդանավակայանի եւ Հավանայի մոտակա Սանտյագո դե լաս Վեգասի միջեւ գտնվող գյուղատնտեսական դաշտերում՝ օդանավակայանի առաջին տերմինալի մոտ: Ւնքնաթիռում 104 ուղեւորներն ու անձնակազմն էին: Դեպքը տեղի է ունեցել ուրբաթ, տեղական ժամանակով 12:08-ին:
Դեպքի վայր են ժամանել երկրի Պետական խորհրդի եւ Նախարարների խորհրդի ղեկավար Միգել Դիաս-Կանելը եւ այլ ղեկավարներ: Տեղում աշխատում են բժիշկները, ոստիկանությունը, հրշեջները եւ հատուկ ծառայություննները:
