Մոսկվայից Աստրախան չվերթ իրականացնող «Պոբեդա» ավիաընկերության Boeing օդանավը վերադարձել է «Վնուկովո» օդանավակայան՝ աջ շարժիչի աշխատանքի խափանման պատճառով, հայտնում է ՌԻԱ Նովոստին։
Ըստ Flightradar24 ռեսուրսի՝ օդանավը փոխել է իր ուղղությունը, երբ թռչում էր Վոլգոգրադի մարզի երկնքում։
Ըստ օդանավակայանի չվացուցակի՝ «Պոբեդա» ավիաընկերության DР163 չվերթը Վնուկովո օդանավակայանից երկինք էր բարձրացել մոսկովյան ժամանակով 7։15-ին ու պետք է Աստրախան ժամաներ 9։18-ին։ Չվերթն իրականացնում էր Boeing 737-800.օդանավը։
Ավիաընկերությունը հայտնել է, որ բոլոր 12 Boeing 737-800 օդանավերը արտադրվել են 2014-2015 թթ․ու ընկերությունը դրանք ձեռք է բերել հենց գործարանից։
«Պոբդան» ուղեւորներին ռեզերվային օդանավով կտեղափոխի նշանակության վայր։ Ավիաընկերությունը շեշտել է, որ սա շարժիչի անսարքության առաջին դեպքն է։
