Ճապոնական Japan Airlines ավիաընկերության Boeing 767 ուղեւորատար ինքնաթիռը երկուշաբթի օրը Տոկիոյի միջազգային օդանավակայանում թռիչքին պատրաստվելիս բռնկվել է: Հոնկոնգ ուղեւորվող ինքնաթիռի 137 ուղեւորները շտապ տարհանվել են սրահ լցված ծխի պատճառով, փոխանցում է «ՏԱՍՍ»-ը՝ վկայակոչելով TBS հեռուստաալիքը:
Երեք անձ թունավորվել է: Նրանց այժմ օգնություն է ցուցաբերվում: Նախնական տվյալներով՝ բռնկվել է ինքնաթիռի հետնամասում գտնվող օժանդակ էներգաբլոկը: