«Ելք» խմբակցության պատգամավոր Ալեն Սիմոնյանն վստահեցնում է, որ ինքը չի միջնորդել, որ ԱԱԾ տնօրեն նշանակվի Արթուր Վանեցյանը: Այս մասին նա այսօր՝ մայիսի 22-ին ասել է լրագրողների հետ զրույցում:
Նա ասել է, որ Վանեցյանին ճանաչում է 15 տարեկանից, բայց վարչապետ Նիկոլ Փաշինյանն է նրան նշանակել:
«Իմ մասնակցությունն այդ գործում չի եղել որեւէ կերպ: Նշանակվեց, որովհետեւ լավ սպա է»,- նշել է նա: Ըստ Սիմոնյանի՝ նոր կառավարությունում ծանոթ-բարեկամ սկզբունքով նշանակումների միտում չկա:
