ԱՄՆ-ի Արիզոնա նահանգում ոստիկանությունը ձերբակալել է հայուհու ոսկերչական խանութից, որտեղ նա աշխատում էր, թանկարժեք իրեր գողանալու համար։
35-ամյա Էմմա Փչաքջյանը մայիսի 15-ին ձերբակալվել է Սքոթքսդեյլ քաղաքի ոստիկանության կողմից։ Նրա մոտ 8700 դոլար գումար եւ խանութին պատկանող մի քանի թանկարժեք իրեր են գտել։
Խանութի սեփականատերը հայտնել է, թե մայիսի 1-ին նա չի կարողացել գտնել ադամանդե մատանին եւ դրա լուսանկարը։ Խանութի աշխատակից Փչաքջյանը հրաժարվել է օգնել գույքագրման հարցում, հաղորդում է bc15.com-ը: Հաջորդ օրը կինը հեռացել է աշխատանքից։ Գույքագրման արդյունքում պարզվել է, որ խանութից բացակայում է 250 հազար դոլարի զարդեղեն։ Ոստիկանությունը որոշ իրեր հայտնաբերել է մոտակա գրավատներում, սակայն 180 հազար դոլարի թանկարժեք զարդերը այդպես էլ չեն գտնվել։
Փչաքջյանը ձերբակալության ընթացքում խոսովանել է կատարած հանցանքը եւ ասել, որ ամաչում է կատարածի համար, սակայն նշել, որ իրեն գումար էր պետք, քանի որ ամուսինը կորցրել էր աշխատանքը: Նա նաեւ հայտնել էր, որ գումարն իրեն պետք էր մայիսի վերջին Հայաստան գնալու համար։ Նրան գողացված ունեցվածքի վաճառքի մեջ մեղադրանք է առաջադրվել:
