Հնդկաստանը պողպատի եւ ալյումինի ներմուծման մաքսատուրքերի կապակցությամբ ԱՄՆ-ի դեմ ԱՀԿ բողոք է ներկայացրել, հաղորդում է Reuters-ը:
Հնդկաստանի պաշտոնական անձինք հայտարարել են, որ կառավարությունը մտադիր է ԱՀԿ-ին բողոք ներկայացնել, եթե հնդկական ընկերությունները չազատվեն մաքսատուրքերից:
ԱՄՆ-ի նախագահ Դոնալդ Թրամփը պողպատի եւ ալյումինի ներմուծման մաքսատուրքեր էր սահմանել` համապատասխանաբար 25 տոկոս եւ 10 տոկոս: Այս որոշումը նա բացատրել էր ազգային անվտանգության խնդիրներով:
Հնդկաստանը, Չինաստանը, Ռուսաստանը, Ճապոնիան, Թուրքիան եւ Եվրամիությունը նման արդարացումը անհեթեթություն են անվանել եւ տարեկան 3,5 մլրդ դոլարի փոխհատուցում են պահանջում:
