Վիլլա դԷստում էլեգանտության մրցույթում Ferrari-ն յուրահատուկ SP38 սուպերքար կներկայացնի, որը թողարկվել է մեկ օրինակով: Ավտոմեքենան ստեղծվել է 488 GTB մոդելի շարժիչի հիման վրա «հավատարիմ հաճախորդներից մեկի» պատվերով, գրում է Motor-ը:
Ferrari SP38-ի մասին դեռ մանրամասն տեղեկություններ չկան: Հայտնի է միայն, որ այն ստեղծելիս դիզայներները ոգեշնչվել են F40-ի ոճով:
Սովորական Ferrari 488 GTB-ն հանդես է գալիս 3.9 լիտրանոց V8 շարժիչով, որն ապահովում է 670 ձիաուժ եւ 760 Նմ պտույտ: Այն ժամում 100 կիլոմետր արագության հասնում է երեք վայրկյանում: Առավելագույն արագությունը ժամում 330 կմ է: