ՀՀ ժողովրդական արտիստ Միքայել Պողոսյանը համոզված է՝ Նիկոլ Փաշինյանը բոլորին կոշիկ է հագցնելու։ Այդ մասին դերասանը հայտարարեց մշակույթի գործիչների եւ Նիկոլ Փաշինյանի հանդիպման ժամանակ։
«Հիմա սա երա՞զ է, թե՞ իրականություն։ Սա այն հարցն է, որը ես տվեցի իմ երեւակայական նախագահին՝ իմ «Երեւան ջան» ֆիլմում՝2002 թվականին նկարահանած: Նա պատասխանեց՝ կապրենք, կտեսնենք: Հետո շուռ եկավ, տեսավ, որ ժողովուրդը բոբիկ ա, ինքը կռացավ ու սկսեց իրա կոշիկները հանել։ Ես համոզված եմ, որ բոլորին կոշիկ եք հագցնելու», - ասաց նա:
Դերասանը ներկայացրեց նաեւ Նիկոլ Փաշինյանի պրոտոտիպին՝ ՀՀ վաստակավոր արտիստ Կամո Արզումանյանին։ Նա Պողոսյանի խոսքով, այն նախագահն է, որին ինքը 2002 թվականին նկարահանել է որպես նախագահը եւ որը «խաչակնքվել գիտի»։
