Ամերիկյան տիեզերական գերատեսչությունը (NASA) մտադիր է տարեվերջին սկսել վայրերի գնումը մասնավոր արձակվող սարքերով իր բեռների համար, որոնք, ինչպես սպասվում է, Լուսին կուղարկվեն առաջիկա երկու տարում: Այս մասին հայտնել է Space.comсо-ն՝ վկայակոչելով NASA-ի տնօրենի օգնականի տեղակալ Ջեյմս Ռոյթերին:
«Մենք անհրաժեշտ ենք համարում հնարավորինս արագ հնարավորություն ստանալ մեր բեռները Լուսնի մակերեւույթ հասցնել վայրէջքային մոդուլների օգնությամբ: Եվ կարծում ենք, որ մեզ նման հնարավորություն կընձեռեն մասնավոր ընկերությունները»,- ասել է Ռոյթերը անցած շաբաթվա վերջին Փասադենայում (Քալիֆորնիա նահանգ) անցկացվող տիեզերական տեխնիկայի ցուցահանդեսում:
Ռոյթերի խոսքով՝ նրանց մոդուլների միջոցով առաջին փուլում՝ մինչեւ 2021 թվականի վերջ, NASA-ն կցանկանար Լուսին հասցնել իր բեռներից 10-ական կիլոգրամ: «Մենք մտադիր ենք նման պայմանագրեր կնքել ընթացիկ օրացուցային տարվա վերջին»,- նշել է նա՝ հավելելով, որ նման կոմերցիոն ծառայությունների իրականություն դառնալու համար NASA-ն պետք է լինի առաջատար պատվիրատուների թվում:
