Ֆրանսիան ցանկանում է եվրոգոտում ավելի հավակնոտ բարեփոխում իրականացնել, քան այն, ինչը նախատեսում է Գերմանիայի կանցլեր Անգելա Մերկելը: Այս կապակցությամբ Փարիզը մտադիր է ճնշում գործադրել եվրոգոտու բյուջեի եւ բանկային միության առնչությամբ լրացուցիչ զիջումներ ստանալու համար: Այս մասին հաղորդում է Reuters-ը` հղում անելով ֆրանսիացի պաշտոնյաներին:
Մակրոնը եվրոգոտու խորը բարեփոխման կոչ է անում, պնդելով, որ Եվորպայի ինեգրման ամենահաջող խորհրդանիշը հարկավոր է վերակառուցել սուվերեն պարտքի ճգնաժամի կրկնությունը կանխելու համար: Սակայն առանց Գերմանիայի աջակցության նրա ծրագրերը տեղից չեն շարժվի եւ եթե անգամ Փարիզը եւ Բեռլինը կարողանան ընդհանուր դիրքորոշման շուրջ պայմանավորվել, նրանք պետք է համոզեն եվրոգոտու մյուս պետություններին հետագա բարեփոխումների անհրաժեշտության մեջ:
Ֆրանսիայի պաշտոնատար անձինք գաղտնի մնալու պայմանով, նշել են, որ Մերկելը Մակրոնի մի շարք գաղափարներն է ընդունել, այդ թվում ապաստան հայցողների խնդիրների լուծման եվրոպական գործակալության ստեղծումը, Եվրոպական խորհրդարանի ապագա ընտրություններում թեկնածուների անդրազգային ցուցակները եւ հանձնակատարների թվի կրճատումը:
Սակայն նրանք նշել են, որ եվրոգոտում ֆրանսիական եւ գերմանական դիրքորոշումների համաձայնեցման համար մեծ աշխատանք է պետք տանել: