ԱՄՆ նախագահ Դոնալդ Թրամփը հայտարարել է, որ Հյուսիսային Կորեայի առաջնորդ Կիմ Չեն Ընին «անպայման» կհրավիրի Միացյալ Նահանգներ, եթե Սինգապուրում կայանալիք գագաթաժողովը լավ անցնի, հաղորդում է AP-ն:
Միեւնույն ժամանակ, Թրամփը նշել է, որ պատրաստ է հեռանալ, եթե ամեն ինչ լավ չընթանա, ինչպես նախկինում արել է: Նրա խոսքով, Կիմ Չեն Ընը պատրաստ է որոշում կայացնել, որը իր երկրի, նրա ընտանիքի եւ իր համար շահավետ կլինի,:
Նա նշել է, որ Սինգապուրի հանդիպման ընթացքում կարող է Կորեական պատերազմի ավարտի մասին համաձայնագիր ստորագրվել: «Մենք կարող ենք համաձայնագիր ստորագրել: Բայց դա առաջին քայլը կլինի, հեշտ մասը, դժվարությունները ավելի ուշ կսկսվեն»,- Ճապոնիայի վարչապետ Սինձո Աբեի հետ համատեղ ասուլիսում ասել է նա:
