Իտալիայի պնախարար Էլիզաբետտա Տրենտան համարում է, որ միայն ՆԱՏՕ-ն է ունակ ապահովել անվտանգություն միջերկրածովյան տարածաշրջանում, որտեղ «բազմաթիվ սպառնալիքներ կան քողարկված»։ Այս մասին, ՏԱՍՍ-ի փոխանցմամբ, նա ասել է որպես պնախարար իր առաջին հարցազրույցում, որը հրապարակվել է այսօր Il Messaggero թերթում։
«Անհրաժեշտ է աշխատել այն ուղղությամբ, որ ՆԱՏՕ-ն ավելի ճկուն դառնա։ Միջերկրածովյան տարածաշրջանում մենք կիսում ենք աշխարհքաղաքական հիմնական շահերն ու պատրաստ ենք ավելի սերտ համագործակցել հավաքական անվտանգություն ապահովելու համար։ Միայն ՆԱՏՕ-ն կարող է պատասխանել տարածաշրջանի անհանգիստ գոտիներից բխող սպառնալիքներին»,- ասել է Տրենտան։ Նա նշել է, որ այդ նպատակներով Իտալիան ձգտում է ակտիվացնել ՆԱՏՕ-ի հարավային հրամանատարական կենտրոնի աշխատանքը, որը Նեապոլում է գտնվում։
«ԱՄՆ-ն մնում է մեր գլխավոր դաշնակիցը, բայց մեր երկրի շահերից է բխում բոլորի հետ երկխոսելը»,- նշել է նախարարը։